Septem opera mirabilia. Ephesi Dianae templum, quod fecit Amazon Otrera Martis coniunx. Monumentum regis Mausoli lapidibus lychnicis altum pedes LXXX, circuitus pedes CIXCCXL. Rhodi signum Solis aeneum, id est Colossus, altus pedes XC. Signum Iovis Olympii quod fecit Phidias ex ebore et auro altum pedes LX. Domus Cyri regis Ecbatanis, quam fecit Memnon lapidibus variis et candidis, qui inter se auro vinciebantur. Murus in Babylonia, quem fecit Semiramis latere cocto et sulphure ferro vinctum, latum pedes XXV, altum pedes LX in circuitu stadiorum CCC. Pyramides in Aegypto, quarum umbra non videtur, altae pedes sexagenos.
- Latino
- Lingua Viva 1
- Versioni dai Libri di Esercizi
