Pompeius, ingentibus copiis navalibus pedestribusque comparatis, bellum contra Caesarem moturus erat. Nam ex Asia, Athenis, Ponto, Bithynia, Syria, Cilicia, Phoenice, Aegypto magnam classem coegerat. Novem legiones civium Romanorum constituerat et magnum numerum militum ex Thessalia, Boeotia, Achaia Epiroque in legiones distribuerat. Praeterea in exercitu multo sagittarios, funditorum cohortes, equitum turmas habebat. Magnam pecuniam imperaverat Asiae, Syriae regibusque omnibus et liberis Graeciae civitatibus atque frumenti copia ex Thessalia, Asia, Aegypto reliquisque regionibus comparaverat. Praeerat Aegyptiis navibus Cnaeus Pompeius, Pompei filius, Asiaticis (navibus) D. Laelius, Syracis (navibus) C. Cassius, Achaicae classi M. Octavius. Toti tamen officio maritimo M. Bibulus praepositus erat.
- Latino
- Versioni di Marco Porcio Catone
- Versioni dai Libri di Esercizi
