Carmina di Orazio: versione tradotta del Libro 1, Par. 14
O navis, referent in mare te novi
fluctus. O quid agis? Fortiter occupa
portum. Nonne vides ut
nudum remigio latus,
et malus celeri saucius Africo
antemnaque
gemant ac sine funibus
vix durare carinae
possint imperiosius
aequor? Non tibi sunt integra lintea,
non di,
quos iterum pressa voces malo.
Quamvis Pontica pinus,
silvae filia nobilis,
iactes
et genus et nomen inutile:
nil pictis timidus nauita puppibus
fidit. Tu, nisi ventis
debes ludibrium, cave.
Nuper sollicitum quae mihi taedium,
nunc desiderium curaque non
levis,
interfusa nitentis
vites aequora Cycladas.
- Letteratura Latina
- Carmina di Gaio Valerio Catullo
- Orazio