Exercitum cum militari more ad pugnam cohortaretur suaque in eum perpetui temporis officia
praedicaret, in primis commemoravit testibus se militibus uti posse, quanto studio pacem petisset, quae per Vatinium in
conloquiis, quae per Aulum Clodium cum Scipione egisset, quibus modis ad Oricum cum Libone de mittendis legatis contendisset.
Neque se umquam abuti militum sanguine neque rem publicam alterutro exercitu privare voluisse. [3] Hac abita oratione
exposcentibus militibus et studio pugnae ardentibus tuba signum dedit.
- Latino
- De Bello Civili
- Cesare