Velim, senatores, severitatem vestram deponatis et clementiam meam servetis.
In imperatore enim vindicta numquam laudatur, quia, etiamsi iusta est, tamen acris crudelisque videtur. Nullus igitur senator puniatur, nullius viri nobilis sanguis fundatur, exules domum redeant et bona sua recipiant. Quare et filiis et genero et uxori Avidii Cassii veniam dabitis.
Vivant liberi et securi, rem familiarem habeant, argentum et aurum conservent, per omnes gentes et meae et vestrae misericirdiae exemplum circumferant. Tempora nostra pace concordiaque digna sunt: utinam di a caedibus, timore, infamia, invidia, omni denique iniuria patriam nostram liberent!.
Tum omnes senetores, magnitudini animi imperatoris plaudentes, magna voce exclamaverunt: Utinam dis vita imperatoris nostri semper cordi sit!.
- Latino
- Versioni di Marco Porcio Catone
- Versioni dai Libri di Esercizi
