Marius post sextum consulatum annumque septuagesimum nudus ac limo oblutus, oculis tantummodo ac naribus eminentibus, extractus arundineto circa paludem Maricae, in quam, fugiens consectantes Sullae equites, se abdiderat, iniecto in collum loro in carcerem Minturnensium iussu duumviri perductus est. Ad quem interficiendum missus cum gladio servus publicus, nazione Germanus, qui forte ab eo imperatore bello Cimbrico captus erat, ut agnovit Marium, magno eiulatu expromens indignationem casu tanti viri, abiecto gladio, profugit e carcere.
- Latino
- Versioni Latinum Vertere
- Versioni dai Libri di Esercizi
