Mercurius, filius caelorum et terrarum domini et Maiae, deus astutiae et deorum nuntius ab antiquis Romanis et Graecis putabatur; etiam deus mercaturae, eloquentiae et negotiorum et patronus viarum appellabatur. Mercurius magnam astutiam habebat et multa callida artificia parabat. Parvus Mercurius dolo dei Phoebi armentum abigebat et postea Phoebus caras iuvencas non recuperabat; praeterea Mercurius primam lyram construebat. Neptunus, Saturni et Rheae filius, pelagi imperium habebat; deus pelagi et fluviorum aquarum dominus et patronus putabatur; Neptunus carro vehebatur; ab equis marinis dei carrus trahebatur. Neptunus turbidas procellas movebat et sedabat. A Graecis et Romanis Neptuno templa et purae arae in insulis, promunturiis et maritimis oris aedificabuntur, pulchrae dei statuae in stadiis et in circo collocabuntur; Neptuno taurus saepe in sacrificiis immolabitur.
- Latino
- Lingua Magistra 1
- Versioni dai Libri di Esercizi
