Priusquam consules provincias sortirentur, prodigia nuntiata sunt: lapidem in agro Crustumino in lucum Martis de caelo cecidisse; puerum trunci corporis in agro Romano natum (esse), et quadrupedem anguem visum (esse), et Capuae multa in foro aedificia de caelo tacta (esse); et Puteolis duas naves fulminis ictu concrematas esse. Inter haec, quae nuntiabantur, lupus etiam Romae interdiu agitatus, cum Collina porta intrasset (= intravisset), per Esquilinam magno consectantium tumultu evasit. Eorum prodigiorum causa consules maiores hostias immolarunt (= immolaverunt), et in omnia templa deorum supplicatio fuit.
- Latino
- Maiorum Lingua C
- Versioni dai Libri di Esercizi
