Numa ferocem populum Romanorum armorum desuetudine mitigavit. Ianum, indicem pacis bellique fecit:templum apertum significabat bellum, clausum pacem. Numa flaminem Iovi adsiduum sacerdotem creavit, insignique eum veste adornavit. Huic duos flamines adiecit, unum Marti, alterum Quirino, virginesque Vestae legit. Vestales adsiduae templi antistites erant. Salios item Marti Gradivo legit tunicaeque pictae insigne dedit et super tunicam aeneum tegumen caelestiaque arma. Pontificem deinde Numam Marcium, Marci filium, ex patribus legit et pontifici omnia sacra attribuit. Ad sacra a violentia et armis Romanos convertit, pietate omnia pectora imbuit. Iovi Elicio aram in Aventino dicavit deumque consuluit auguriis.
- Latino
- Versioni di Marco Porcio Catone
- Versioni dai Libri di Esercizi
