Porsenna, rex Etruscorum, cum Tarquinios in urbem restituere temptaret et primo impetu Ianiculum cepisset, Horatius Cocles (tali cognomine, quod in alio proelio oculum amiserat) pro Ponte Sublicio stetit et aciem hostium solum sustinuit, donec pons a tergo interrumperetur, cum quo in Tiberim cecidit et armatus ad suos trasnavit. Ob hoc ei tantum agri publice datum, quantum uno die ambire vomere potuisset. Statua quoque ei Vulcanali posita est.
- Latino
- Versioni Latinum Vertere
- Versioni dai Libri di Esercizi
