Nam cum essem in Puteolano Hirtiusque noster, consul designatus, isdem in locis, vir nobis
amicissimus et his studiis, in quibus nos a pueritia viximus, deditus, multum una eramus, maxime nos quidem exquirentes ea
consilia, quae ad pacem et ad concordiam civium pertinerent. Cum enim omnes post interitum Caesaris novarum perturbationum
causae quaeri viderentur iisque esse occurrendum putaremus, omnis fere nostra in his deliberationibus consumebatur oratio,
idque et saepe alias et quodam liberiore, quam solebat, et magis vacuo ab interventoribus die, cum ad me ille venisset, primo
ea, quae erant cotidiana et quasi legitima nobis, de pace et de otio.
- Latino
- De Fato
- Cicerone
