Age vero quae erat aut qualis quaestio? ‘Heus tu Rufio’ (verbi causa) ‘cave sis mentiaris. Clodius insidias fecit Miloni ?’ ‘Fecit:’ ‘certa crux.’ ‘Nullas fecit:’ ‘sperata libertas.’ Quid hac quaestione certius? Subito abrepti in quaestionem tamen separantur a ceteris et in arcas coniciuntur ne quis cum eis conloqui possit. Hi centum dies penes accusatorem cum fuissent ab eo ipso accusatore producti sunt. Quid hac quaestione dici potest integrius quid incorruptius?
- Latino
- Pro Milone di Marco Tullio Cicerone
- Cicerone
