Tantum autem cuique tribuendum, primum quantum ipse efficere
possis, deinde etiam quantum ille quem diligas atque adiuves, sustinere. Non enim neque tu possis, quamvis excellas, omnes tuos
ad honores amplissimos perducere, ut Scipio P. Rupilium potuit consulem efficere, fratrem eius L. non potuit. Quod si etiam
possis quidvis deferre ad alterum, videndum est tamen, quid ille possit sustinere.
- Latino
- De Amicitia di Marco Tullio Cicerone
- Cicerone
