An consules in praetore coercendo fortes fuissent? Primum Milone occiso habuisset suos consules: deinde quis in eo praetore consul fortis esset per quem tribunum virtutem consularem crudelissime vexatam esse meminisset? Oppressisset omnia possideret teneret: lege nova [quae est inventa apud eum cum reliquis legibus Clodianis] servos nostros libertos suos fecisset: postremo nisi eum di immortales in eam mentem impulissent ut homo effeminatus fortissimum virum conaretur occidere hodie rem publicam nullam haberetis.
- Latino
- Pro Milone di Marco Tullio Cicerone
- Cicerone
