Pyrrhus dux peritus ac strenuus putabatur: itaque iis auxilium non negavit et multis copiis Tarentum venit. In Lucania apud Heracleam et in Campania apud Ascolum cum Romanis proelium commisit et victor discessit sed multis cum vulneribus. Quod autem bellum protrahebatur, in Siciliam concessit, ubi Magnae Graeciae civitates armis contra Poenos contendebant. Rex milites adversarios profligavit, sed bellum non perfecit. Tum ex Sicilia Tarentum revertit; cum Romanis apud Maleventum rursus pugnavit et profligatus est. Postquam contra Pyrrhum vicerant, Romani oppidi Maleventi nomen mutaverunt et id Beneventum appellaverunt.
- Latino
- La Lingua delle Radici 1
- Versioni dai Libri di Esercizi
