duae Luceriam ferebant viae,altera praeter oram superi maris,patens apertaque sed fere longa,altera per Fur***as Caudinas,brevis sed ad insidias apta:nam saltus duo alti,angusti et silvosi sunt,montibus perpetuis inter se iuncti.iacet inter eos satis patens,clausus in medio,campus herbidus aquosusque,ubi medium iter est.
placuit eam secundam viam eligere,ut Lucernis celere auxilium praeberetur:hoc fuit cladis et ruinae initium.Antequam enim venias ad planum iter,artae sunt angustiae er,si ultra pergis,per alium saltum artum impeditumque una via transcurrit.
cum Romani demisso agmine ad angustias protinus pergunt,eas saeptas deiectu arborum et saxorum ingentium mole inveniunt.Fraude hostium detecta,praesidium etiam in summo saltu conspicitur.Citati inde retro pergunt repetere viam:eam quoque clausam obice armisque inveniunt.
- Latino
- Ab urbe condita
- Livio
