Antiquis temporibus in agris erant senatores, id est senes, ut L. Quinctius Cincinnatus, qui dictator creatus erat cum agellum suum arabat. A villa in senatum arcessebantur et Manius Curius Dentatus et ceteri senes, eorumque senectus vere misera non fuit, qui se agri cultione oblectabant. Eorum vita in agris beata fuit, neque solum officio – nam hominum generi universo cultura agrorum est opportuna -, sed et delactatione, de qua dixi, et saturitate copiaque rerum omnium, quae ad cibum hominum, ad religionem etiam deorum pertinent. Semper enim boni assiduique domini agricolae referta cella vinaria, olearia, etiam penaria est, villaque tota opulenta est, nam porcis, haedis, agnis, gallinis, lacte, caseo, melle, abundat. Agricolae hortum succidiam alteram appellaverunt et eorum vitam gratam reddiderant etiam aucupium atque venatio. Postremo senectus iucunda erat: senes enim calescebant vel apricatione vel igni aut vicissim umbris aquisve refrigerabantur salubriter.
- Latino
- Lingua Viva 1
- Versioni dai Libri di Esercizi
