Caesaris futura caedes manifestis prodigiis praenuntiata est. In agro apud Capuam aliquot agricolae in monumento ubi Capys, Aeneae comes atque Capuae conditor, sepultus erat, invenerunt tabulam aeneam, in qua Graeca lingua haec verba scripta erant: «Prognatus a sanguine Iuli necabitur, cum ossa Capyis detecta erunt». Caesar enim originem trahebat ex Iulo, Aeneae filio, gentis Iuliae progenitore. Olim haruspex Spurinna patres monuerat: «Magnum periculum rei publicae imminebit, cum pecora pabulum reliquerint lacrimasque effuderint». Paucis diebus ante Idus Martias equi, quos Caesar apud Rubicönem flumen deis sacraverat, a cibo se abstinuerunt ubertimque fleverunt.
- Latino
- Maiorum Lingua A
- Versioni dai Libri di Esercizi
