Compone te in rectum corporis statum; aperi caput; vultus sit nec tristis nec torvus nec impudens nec protervus nec instabilis; iuncti pedes, quietae manus. Nec vacilles alternis tibiis, nec sint gesticul0sae manus, nec mordeto labrum, nec scabito caput, nec fodito aures. Vestis item ad decorum componantur, ut totus cultus, vultus, gestus et habitus corporis verecundam indolem prae se ferat…Ne sis inepte loquax aut praeceps. Nec vagetur animus tuus, sed sis attentus verbis magistri. Si quid erit respondendum, id facito paucis ac pudenter. Cum loqueris, ne praecipites sermonem aut haesites lingua, sed distincte, clare, articulate consuescito proferre verba tua.
- Latino
- Versioni di Marco Porcio Catone
- Versioni dai Libri di Esercizi
