Hannibal, Pyreaneis Alpinibusque superatis, in Padanam planitiem descendit. Inde, Publio Scipione apud Ticinum flumen victo, sempronio consule apud trebiam flumen fugato, Flaminio consule apud Trasumenum lacum profiligato, ad italia inferiorem exercitum duxit, iter per Apenninos faciens. Tum senatus Q. Fabium Maximum dictatorem creavit, qui contra hostem toties victorem missus, Hannibalis impetum cunctando fregit. Namque Q. Fabius, pristinis cladibus edoctus, belli rationem mutavit: per loca alta praeruptaque exercitum ducebat, nusquam fortunae se committebat, numquam in castris copias tenebat, quoniam Carthaginiensius impetum timebat. Hannibalis exercitum continenter agitabat sed nullam accasionem pugnandi hosti dabat. Improvise in Hannibalis milites e castris frumentatum exeuntes impetum faciebat, agmen carpens et milites palantes excipiens. Itaque ex levibus proeliis semper victor evasit. Tamen sollers Fabii cunctatio a populo Romano imperitia existimata est et ille irridenter Cunctator cognominatus est. Tum Fabius sua sponte belli imperium deposuit et privatus rediit. Sed paulo post, nuntio de clade Cannensi Romam allato, Fabius propter suam pudentiam consul creatus est.
- Latino
- Versioni di Marco Porcio Catone
- Versioni dai Libri di Esercizi
