Res nova auditu: tanta cura antiquis Romanis non solum servandae, sed etiam amplificandae religionis fuit, ut, florentissima tum et opulentissima Roma, decem principum filii senatus consulto singulis Etruriae populis percipiendae sacrorum disciplinae gratia traderentur. A Velia urbe autem Romani petiverunt sacerdotem nomine Calliphanam ad Cereris cultum celebrandum, ne deae vetustis ritibus perita deesset antistes. Cuius deae cum in urbe pulcherrimum templum haberent, maiores nostri, Gracchano tumultu moniti Sibyllinis libris ad vetustissimam Cererem placandam, Hennam decemviros ad eam propitiandam miserunt, quoniam sacra eius inde orta esse credebant.
- Latino
- Lingua Viva 2
- Versioni dai Libri di Esercizi
