Dum haec in his locis geruntur, Cassivellaunus ad Cantium (quod esse ad mare supra demostravimus), nuntios mittit atque regibus qui iis regionibus praeerant imperat ut, coactis omnibus copiis, castra navalia de improviso adoriantur atque oppugnent. Cum ii ad castra venissent, nostri, eruptione facta, multis eorum interfectis, capto etiam nobili duce Lugotorige, suos incolumes reduxerunt. Cassivellaunus, cum proelii exitus sibi nuntiatus esset, tot detrimentis acceptis, vastatis finibus, maxime etiam permotus defectione multarum civitatum, legatos per Atrebatem Commium de deditione ad Caesarem mittit. Caesar, cum costituisset hiemari in continenti propter repentinos Gallorum motus neque multum aestatis superesset atque id facile extrahi posse intellegeret, statim abside imperat et, quid vectigalis in annos singulos populo Romano Britannia pendret, costituit.
- Latino
- Maiorum Lingua C
- Versioni dai Libri di Esercizi
