Alcibiades, Cliniae filius, Atheniensis (fuit). In hoc quid natura efficêre possit videtur experta (esse). Constat enim inter omnes, qui de eo memoriae prodiderunt, nihil illo fuisse excellentius vel in vitiis vel in virtutibus. Natus in amplissima civitate, summo genere, omnium aetatis suae multo formosissimus, ad omnes res aptus consiliique plenus – nam que imperator fuit summus et mari et terra – disertus, ut nemo ei dicendo posset resistere, dives, cum tempus posceret, laboriosus, patiens, liberalis, splendidus non minus in vita quam victu, affabilis, blandus, temporibus callidissime serviens. Educatus est in domo Pericli – privignus enim eius fuisse dicitur – eruditus a Socrate; socerum habuit Hipponicum, omnium Graeca lingua loquentium ditissimum; itaque neque plura bona reminisci neque maiora poterat consequi quam vel natura vel fortuna tribuerat.
- Latino
- Maiorum Lingua C
- Versioni dai Libri di Esercizi
