Romani vera putabant auguria et praesagia: multa et diversa vaticinia a sacerdotibus pronuntiabantur et ita futurum praedicebatur. Deorum proposita avium volatu vel pullis sacris declarabantur. Etiam Graeci praesagia trahebant et multa clara oracula habebant: ad deum Apollinem apud Delphos legati saepe veniebant et verum responsum dei orabant. Ab Etruscis populus Romanus antiquam haruspicinam didicit: haruspices exta victimarum sacrificiorum scrutabant et praesagia atque auguria nuntiabant. Sibyllae autem, feminae fatidicae Apollinis, a deo inflabantur, et oracula et responsa edebant, in Graecia et in Italia. Sibylla Cumana clara erat: in obscuro et tuto antro vivebat apud Cumas, in Campania. Sibyllae vaticinia in foliis palmarum scribebantur et postea colligebantur in libris Sibyllinis, qui in Capitolio custodiebantur.
- Latino
- Lingua Magistra 1
- Versioni dai Libri di Esercizi
