Sanson Philistaeos multis affecit cladibus: cepit trecentas vulpes, quarum caudis accensas lampadas alligavit et in hostium agros immisit. Tum forte messis matura erat: ita facile incendium fuit. Omnes segetes, vineas et oleas exussit. Traditus Philistaeis rupit vincula quibus eum constrinxerant et arrepta maxilla asini, mille hostes prostravit. Tandem Philistaei illius uxorem pecunia corruperunt, ut virum proderet. Vires Sansonis enim in capillis erant: quare uxor caput dormientis totondit, atque ita eum Philistaeis tradidit. Sed cum capilli creverunt et vires redierunt, inimicam gentem Sanson vexavit.
- Latino
- Versioni Latinum Vertere
- Versioni dai Libri di Esercizi
