Schiavi eroici

Clarissima exempla insignissimae humanitatis et immortalis amoris erga suos dominos non raro Romanorum servi ostenderunt. Bello Punico secundo Romani Grumentum, Lucaniae urbem, ferocissimo animo obsidebant et plurimi servi statim ad hostes fugiebant: paulo post urbs cecidit. Tum tres servi, qui itinere celeriore quam ceteri fugerant, quia viae sibi notissimae erant, in id aedificium, apud quod servierant, advolaverunt. Ibi suam bonam dominam vivam invenerunt atque eam ligaverunt et secum pertraxerunt. Tum Romani milites, qui in urbe crudeliter irruperant, quaesiverunt: «Quo mulierem adducitis?» Quibus magis strenui servi responderunt: «Crudelissima nostra domina est, quae mox magnae perfidiae poenam solvet». Deinde eam ex urbe evexerunt et maximà curà celaverunt; ita a certo interitu infelicem et dulcissimam dominam servaverunt. At servi fidelitatis tantae praemium utilissimum acceperunt: nam grata domina eos manumisit atque iis magnam ditissimi patrimonii partem donavit.