C. Plinius Iuniori suo s.
Castigabat quidam filium suum, quod sumptuosius equos et canes emerat. Huic ego, iuvene digresso: «Heus tu, cum adulescens eras, numquamne fecisti quod a patre tuo corripi posset? Fecisti an non? Non interdum facis quod filius tuus, si repente pater ille fiat, tu filius (fias), pari gravitate reprehendat?2Nonne omnes homines aliquo errore ducuntur? Non (= nonne) hic in illo (errore) sibi, in hoc alius indulget?». Haec tibi ego, admonitus immodicae severitatis exemplo, pro amore mutuo scripsi, ne aliquando tu quoque filium tuum acerbius duriusque tractares. Cogita et illum puerum esse et te fuisse; atque ita hoc, quod es pater, utere, ut emineris et hominem esse te et hominis patrem. Vale.
- Latino
- Maiorum Lingua C
- Versioni dai Libri di Esercizi
