Siracusa respinge l'attacco degli Ateniesi

Olim Syracusani bellum paraverunt ut in dicionem suam urbs Catina redigeretur; quare a Catinensibus legati Athenas missi sunt ut auxilium peterent. Athenienses, seu studio maioris imperii inducti, seu metu Syracusanae classis, ne Lacedaemoniis illae vires accederent, duces cum classe in Siciliam mittere statuunt. Igitur classis ingens decernitur: creantur duces Nicias et Alcibiades et Lamachus, tantisque viribus Sicilia repetitur ut ipsi terrerentur quibus auxilia mittebantur. Narrant autem brevi post tempore Alcibiadem ad iudicium revocatum esse. Nicias et Lamachus duo proelia pedestria secunda faciunt; Syracusani ergo, dure fracti, auxilium a Lacedaemoniis petiverunt. Ab his mittitur Gylippus, strenuissimus dux, qui opportuna bello loca apud Syracusas occupat; is, duobus proeliis victus, tertio Athenienses in fugam compulit atque Syracusae obsidione liberatae (sunt).