Omnes homines, qui sese student praestare ceteris animalibus, summa ope niti magni interest ne vitam silentio transeant veluti pecora, quae natura prona atque ventri oboedentia finxit. Sed nostra omnis vis in animo et corpore sita est: animi imperio, corporis servitio magis utimur; alterum nobis cum dis, alterum cum beluis commune est. Quo mihi rectius videtur ingenii quam virium opibus gloriam quaerere et, quoniam vita ipsa qua fruimur brevis est, memoriam nostri quam maxime longam efficere. Nam divitiarum et formae gloria fluxa atque fragilis est, virtus clara aeternaque habetur. Natura homines fecit dignos qui virtutem colerent sequerenturque; una virtus nos posteritatis memoria dignos facit; nam omnium hominum plurimi interest memoriam sui maxime longam efficere.
- Latino
- Lingua Viva 2
- Versioni dai Libri di Esercizi
