Caesar, nondum hieme confecta, proximis quattuor coactis legionibus, de improviso fines Nerviorum contendit qui aut convenire aut profugere non potuerunt, quia ille, magno pecoris atque hominum numero capto atque praeda militibus concessa vastatisque agris, in deditionem venire atque obsides sibi dare coëgit. Celeriter confecto negotio, rursus in hiberna legiones reducturus erat. Concilio Galliae primo vere, ut Caesar instituerat, indicto, quia reliqui praeter Senones, Carnutes, Treverosque venerant, initium belli ac defectionis hoc esse arbitratus, concilium Lutetiam Parisiorum transfert. Confines Parisii erant Senonibus unamque civitatem patrum communium memoria coniunxerant, sed ab hoc consilio afuisse existimabantur. Hac re pro suggestu pronuntiata, cum legionibus in Senones proficiscitur magnisque itineribus eo pervenit.
- Latino
- Lingua Viva 2
- Versioni dai Libri di Esercizi
