Forte Macedo gregarius miles, aegre seque et arma sustentans, tamen in Alexandri castra pervenerat: quo viso rex, quamquam ipse, maxime admoto igne, refovebat artus, ex sella sua exsiluit, torpentemque militem et vix compotem mentis, demptis armis, in sua sede iussit considere. Ille diu nec, ubi requiesceret, nec, a quo esset exceptus, adgnovit. Tandem, recepto calore vitali, ut regiam sedem regemque vidit, territus surgit. Quem intuens Alexander, “Ecquid intellegis, miles – inquit – quanto meliore sorte quam Persae, sub rege vivatis? Illis enim in sella regis consedisse capital foret, tibi saluti fuit.
- Latino
- Versioni Latinum Vertere
- Versioni dai Libri di Esercizi
