Post Servium Tullium Lucius Tarquinius Romae regnum obtinuit, cui Superbo Romani cognomen dederunt, non solum quia socerum sepultura prohibuèrat dictitans Romulum quoque, vita defunctum, sepultura caruisse, sed etiam propter morum acerbitatem. Nam primores patrum, quos Servii rebus favisse credebat, exilio aut variis suppliciis affecit, cum plurimum eius interesset sine adversariis regnare. Omnibus constai illum primum inter reges privato ac domestico consilio rem publicam administravisse. Bella enim, pacem, foedera, societates per se ipse fecit diremitque quibuscum(1) voluit, iniussu populi ac senatus. Tandem Romanos pertaesum est iniustae Tarquiniorum dominationis; itaque dum rex Ardeam, Rutulorum civitatem non longe ab Urbe positam, oppugnai,(2) imperium amisit. Nam, cum eius fìlius Sextus Lucretiam, nobilissimam feminam, quae Collatino nupsèrat, turpi iniuria offendisset, eaque ob iniuriae dedecus sibi ipsa mortem consdvisset, L. lunius Brutus populum concitavit persuasitque ut imperium regi abrogaret et in exilium impelleret.
- Latino
- Versioni dai Libri di Esercizi
