est in aegypto urbs, quam hecatompylos thebas institutores cognominarunt quod centum portis predita erat. in urbe, inter templa ingentia diversaque signa exprimentia aegyptiorum numinum imagines, obeliscos vidimus multos, aliosque iacentes et comminutos, quos antiqui reges montium venis excisos erectosque dis superis in religione dicaverunt.est autem obeliscus exacutus lapis qui sensim ad proceritatem consurgit excelsam et radii imagini similis est.
formarum autem undique innumeras notas incisas gerit, quas hieroglyphicas appellant. nam antiqui aegyptii non praestituto numero litterarum, sed volucrum, arborum ferarumque formis expresserunt omnia quae mens humana concipiti.has formas reges in obeliscis sculpserunt: ita suae gloriae memoriam ad posteras aetates tradiderunt.
- Latino
- Versioni di Marco Porcio Catone
- Versioni dai Libri di Esercizi
