Cum Alexander, Macedonum rex, post longam obsidionem Thebas cepit, Thracum dux, Alexandri socius, praedae cupidus in urbem cum copiis suis inierat. Aedificiis publicis vastatis, iam privata aedificia spoliaturus erat, cum in quadam domo invenit Timocleam, nobilem divitemque Thebarum matronam; tum eam cepit et in servitutem redegit. Timoclea, dum in catenis domo sua extrahitur, lacrimas effundens Thracum duci dixit: «Mi domine, si tu me liberares – sed certe animus tuus durus integerque est – ego magnam auri argentique copiam, quam in horto occultavi, tibi praeberem». Ille diviatiarum cupidine captus, in hortum Timocleam duxit, ubi mulier, puteum ostendens, dixit: «In puteo thesaurum condidi!». Dum Thrax in putei os inspicit, mulier eum in puteum deiecit et lapidibus operiens eum occidit.
- Latino
- Maiorum Lingua A
- Versioni dai Libri di Esercizi
