Tre re di Roma
Postea Numa Pompilius rex creatus est qui bellum nullum gessit sed non minus civitati quam Romulus profuit. Nam et leges Romanis moresque constituit cum consuetudine proeliorum iam latrones ac semibarbari putarentur et annum prius sine ulla supputatione confusum descripsit in decem menses et infinita Romae sacra ac templa constituit. Morbo decessit quadragesimo et tertio imperii anno. Numae successit Tullus Hostilius. Hic bella reparavit Albanos vicit Veientes et Fidenates bello superavit urbem ampliavit adiecto Caelio monte. Cum triginta et duos annos regnavisset fulmine ictus cum domo sua arsit. Post Hostilium Ancus Marcius Numae ex filia nepos suscepit imperium. Contra Latinos dimicavit Aventinum montem civitati adiecit et Ianiculum. Apud ostium Tiberis civitatem supra mare condidit. Vicesimo et quarto anno imperii morbo periit.
- Latino
- Versioni di Marco Porcio Catone
- Eutropio