Agamemnon et Menelaus, Atrei filii, cum ad Troiam oppugnandam coniuratos duces ducerent, in insulam Ithacam ad Ulixem, Laertis filium, venerunt, cui erat responsum, si Troiam isset, post vicesimum annum, solum, sociis perditis, egentem,domum rediturum esse. Itaque, cum sciret ad se oratores venturos esse, insaniam simulans, pileum sumpsit et equum cum bove iunxit ad aratrum. Quem Palamedes ut vidit, sensit simulare, atque Thelemachum, filium eius, cunis sublatum aratro subiecit, et ait: “Simulatione deposita, inter coniuratos veni”. Tunc Ulixes fidem dedit se venturum esse.
- Latino
- Versioni Latinum Vertere
- Versioni dai Libri di Esercizi
