In agro equus herbam carpit et in rivi limpidis aquis bibit, at aper repente in rivum venit et vadum turbat. Iurgium inter eos surgit et equus auxilium agricolae petit et dicit: «Agricola, aper aquam turbidam reddit et herbam proterit. Auxilium ergo da mihi: aprum e prato expelle!» Deinde agricola equum conscendit et telo aprum necat, at equo dicit: «Amice, auxilium tibi dedi: sed nunc emolumentum tuum exigo operis meis». Et equo frena imponuntur, in villae rusticae aream ducitur et ligatur: ita equus servitium invenit.
- Latino
- Lingua Magistra 1
- Versioni dai Libri di Esercizi