Erat Athenis spatiosa et capax domus sed infamis et pestilens. Per silentium noctis sonus ferri et strepitus vinculorum longius primo, deinde e proximo audiridicebatur : mox apparebat idolon, senex macie et squalore confectus.
Quare deserta et damnata solitudine domus erat, quamvis dominus quam minimo pretio vendere vel locare vellet(1). Venit Athenas philosophus quidam, auditoque pretio, quia suspecta vilitas erat, percontatus omnia docetur ac nihilominus conducit. Ubi coepit advesperascere, iubet sterni sibi in prima domus parte, poscit pugillares ,stilum, lumen. Initio silentium noctis; dein concuti ferrum, vincula moveri audit. Respicit et videt spectrum longa et candida veste amictum. Mox, minime horribili visu territus, exsilit et larvam arripit, cui vestem discindit: statim miserum squalentemque senem videt, qui largos effendens fletus confitetur se mendicum esse et, cum sedem non haberet, domicilium in illa domo collocavisse, ac, ne quis se expelleret, omnes terrere simulantem se umbram esse. Risit philosophus et sivit senem secum habitare.
- Latino
- Epistularum Libri Decem
- Plinio il Giovane
