P. Aelius consul in Gallia, cum audisset a Boiis ante suum adventum incursiones in agros sociorum factas (esse), duabus legionibus subitariis eius rei causa scriptis additisque ad eas quattuor cohortibus de exercitu suo, C. Ampium praefectum socium per Umbriam agrum Boiorum invadere iussit. C. Ampius ingressus hostium fines primo populationes satis prospere ac tuto fecit. Delecto deinde ad castrum Mutilum satis idoneo loco, ad demetenda frumenta – iam enim maturae erant segetes – profectus neque explorato circa nec stationibus satis firmis, quae inermes atque operi intensos tutarentur, positis, improviso impetu Gallorum cum frumentatoribus est circumventus Inde pavor fugaque. Ad septem milia hominum paläta per segetes sunt caesa, inter quos ipse C. Ampius praefectus; ceteri sub vesperum in castra metu compulsi (sunt). Inde sine certo duce proxima nocte, relicta magna parte rerum suarum, ad consulem per saltus prope invios post paucos dies pervenere (= pervenerunt).
- Latino
- Maiorum Lingua C
- Versioni dai Libri di Esercizi
