Rerum scriptores narrant bello Punico primo M. Aemilium Paulum et Ser. Fulvium Nobiliorem consules ex Italia cum ingenti classe ad Africam profectos esse, cum Carthaginiensibus proeliatum. Quos cum Aemilius consul navali certamine superavisset, plurimas hostium naves demersit, alias fugavit, reliquas cum pugnatoribus cepit et milites suos ingenti preda ditavit. Tunc Romani Carthaginem capere potuissent, sed mox res frumentaria deficere coepit et tanta erat fames, ut diutius Romanorum exercitus in hostium finibus morari non potuerit. Consules cum victrici classe domum redeuntes circa Siciliam naufragium passi sunt. Nam tam saeva procella de improvviso coorta est, ut pleraeque naves disiectae sint.
- Latino
- Maiorum Lingua C
- Versioni dai Libri di Esercizi
