Piscator quidam artis suae ignarus, tibias ac retia sumpsit et ad mare se contulit. Supra scopulum itaque considens, primo quidem tibias inflare coepit, putans nimirum pisces ad vocis suavitatem sponte in litus ex undis salturos esse. At ille diu frustra conatus est et ubi nihil se profecisse cognovit, tibias seposuit, retia corripuit et iecit. Tum complures pisces cepit. Quos cum ille e rete subduceret, simul ac saltantes inspexit: “O pessima – inquit – animalia! Quando tibiam inflabam, non saltabatis, et nunc, postquam destiti, saltatis”.
- Latino
- Versioni Latinum Vertere
- Versioni dai Libri di Esercizi
