Cum bello acri et diutino Veientes a Romanis
intra moenia compulsi capi non possent, eaque mora non minus obsidentibus quam obsessis intolerabilis esset, exoptatae
victoriae iter miro prodigio dii immortales patefecerunt: subito enim Albanus lacus, neque caelestibus auctus imbribus neque
inundatione ullius omnis adiutus, solitum stagni modum excessit. Inde legati ad Delphicum oraculum missi rettulerunt praecipi
sortibus ut aquam eius lacus emissam per agros diffunderent: sic enim Veios venturos esse in potestatem populi Romani. Quod
prius quam legati renuntiarent, haruspex Veientum, a milite nostro raptus est et in castra perductus, futurum dixerat. Ergo
senatus, duplici praedictione monitus eodem paene tempore, et religioni paruit et hostium urbem cepit.
- Latino
- Versioni di Marco Porcio Catone
- Valerio Massimo