Dum Thebae captae diripiuntur, mulier quaedam nobilis generis, in servitutem tracta, a duce quodam interrogata est: “Quo loco divitias celasti?”. Cui mulier:”Si mecum veneris, tibi ostendam” seduxitque solum in hortum, apud altissimum puteum, atque: “In hunc puteum”, inquit, “inter urbis oppugnationem magnam auri argentique vim ac pretiosissima quaeque familiae ipsa conieci”. Dum autem dux se flectit ac despicit intus, mulier pone stans eum detrusit, oppressitque compluribus lapidibus superne iniectis. Statim ducta est vincta ad Alexandrum qui, mulieris virtute commotus, eam liberam dimisit.
- Latino
- Versioni di Marco Porcio Catone
- Versioni dai Libri di Esercizi
