Hannibal, postquam cum omnibus copiis ex hibernis profectus erat atque multas urbes agrosque ferro ignique popolatus erat, per Etruriam ad Trasumenum lacum pervenit atque castra posuit aperto atque edito loco inter lacum et montes. Tum milites levis armaturae post montes collocavit et equitum in insidiis ad saltus fauces occultavit, reliquam copiarum partem pro castris in acie instruxit. Interea Romanorum exercitus quoque, Flaminii consulis ductu, ex opposita parte ad lacum pervenit, angustias superavit et, postquam Poenorum castra copiasque in patenti campo conspicatus erat, ad hostes progressus est. Forte e lacu densa nebula surrexit quae omnia loca circa contexit. Itaque consul Poenorum insidias non animadvertit; Hannibal opportuno tempore proelii signum dedit omnesque Carthaginienses impetum in Romanos simul fecerunt.
- Latino
- Sermo et Humanitas - Quaderno per il recupero
- Versioni dai Libri di Esercizi
