C. Fabio et L. Virginio consulibus, trecenti nobiles homines ex Fabia familia, contra Veientes bellum soli susceperunt, promittentes senatui et populo per se omne certamen impleturum esse. Itaque profecti, omnes illi nobiles, singuli magnorum exercituum duces nominati, in proelio conciderunt. Unus omnino, qui propter aetatem puerilem non ductus est ad pugnam, superfuit ex tanta familia. Post haec census in urbe habitus est et inventa sunt civium capita centum decem et septem milia trecenta decem novem.
- Latino
- Versioni Latinum Vertere
- Versioni dai Libri di Esercizi
