Quod dico, verum est: Valeria sum et cum parentibus et servis in pulchra villa rustica apud Terracinam vivo. In vestibulo vel in atrio apud Lararium mane pater meus excipit matutinam salutationem clientium, quibus sportulam, cibariorum plenam, libenter dat. In culina interea ab ancillis toti familiae cibi exquisiti parantur. Ego et mater mea in cubiculo tunicam linteam induimus, et post ientaculum in peristylio tacitae sedemus lanamque tractamus vel in horto garrulae deambulamus. Villa nostra, quae magno cum studio et magna impensa a nobis aedificata est, pulchrum xystum et latum hortum habet. Saepe in exedram vel in tablinum amicos admittimus, qui nobiscum colloquium habent; postea sub vesperum in triclinio paratur magna atque bona cena, ad quam etiam amici cari invitantur.
- Latino
- Lingua Magistra 1
- Versioni dai Libri di Esercizi
